作词：黄敏
原唱：文莺
站在船顶看落去 彼个姑娘在港墘
虽然装着笑容 心内苦伤悲
好男儿玛都露斯 为著爱情难分离
遥远海洋生活 加添心稀微
船若离开到海面 不管欲对叼位去
随风飘浪过日 海洋几千里
好男儿玛都露斯 有时也会心空虚
想着彼个姑娘 伤心在港边
海上生活真趣味 海鸟伴阮过日子
虽然异乡城市 风景真优美
好男儿玛都露斯 有时也会流珠泪
梦见彼个姑娘 伤心哭归暝
------------------------------------------
《寂寞的行船人》Tsi̍k-bo̍k ê Kiânn-tsûn-lâng
文莺Bûn-ing
徛在船顶看落去
khiā tsāi tsûn-tíng khuànn lo̍h-khì
彼个姑娘在港墘
hit ê koo-niû tsāi káng-kînn
虽然装着笑容
sui-jiân tsng tio̍h tshiò-iông
心内苦伤悲
sim-lāi khóo siong-pi
好男儿玛努鲁斯(matroos/マドロス/船员)
hó lâm-jî ma-lóo-lóo-su(matroos)
为著爱情难分离
uī-tio̍h ài-tsîng lân hun-lî
遥远海洋生活
iâu-uán hái-iûnn sing-ua̍h
加添心稀微
ka-thiam sim hi-bî
船若离开到海面
tsûn nā lī-khui kàu hái-bīn
毋管欲对佗位去
m̄-kuán beh tuì tó-uī khì
随风飘浪过日
suî hong phiau-lōng kè-ji̍t
海洋几千里
hái-iûnn kuí-tshian lí
好男儿玛努鲁斯
hó lâm-jî ma-lóo-lóo-su(matroos)
有时也会心空虚
ū-sî iā ē sim khang-hi
想着彼个姑娘
siūnn-tio̍h hit ê koo-niû
伤心在港边
siong-sim tsāi káng-pinn
海上生活真趣味
hái-siōng sing-ua̍h tsin tshù-bī
海鸟伴阮过日子
hái-tsiáu phuānn gún kè ji̍t-tsí
虽然异乡城市
sui-jiân ī-hiong siânn-tshī
风景真优美
hong-kíng tsin iu-bí
好男儿玛努鲁斯
hó lâm-jî ma-lóo-lóo-su(matroos)
有时也会流珠泪
ū-sî iā ē lâu tsu-luī
梦见彼个姑娘
bāng-kìnn hit ê koo-niû
伤心哭规暝
siong-sim khàu kui-mî