作詞:李兆麟、鄭進一
作曲:李兆麟
淡薄仔胭脂芳味
Tām-po̍h-á ian-tsi phang-bī
佇心中飄來飄去
Tī sim-tiong phiau lâi phiau khì
這馬才知影 相思是啥物
Tsit-má tsiah tsai-iánn sio-si sī siánn-mi̍h
規頭殼貯的是你
Kui thâu-khak té ê sī lí
我毋是虛情假意 嘛毋是花言巧語
Guá m̄ sī hi-tsîng-ké-ì mā m̄ sī hua-giân-khá-gí
希望你知影 今仔日開始
Hi-bāng lí tsai-iánn kin-á-li̍t khai-sí
你是我永遠的春天
Lí sī guá íng-uán ê tshun-thinn
花蕊欲大欉莫徙來徙去
Hue-luí beh tuā-tsâng mài suá lâi suá khì
咱這份愛情仝道理
Lán tsit-hūn ài-tsîng kāng tō-lí
請你著疼惜 阮的情義
Tshiánn lí tio̍h thiànn-sioh gún ê tsîng-gī
咱緣份 若煞去 著 哎哎哎哎
Lán iân-hūn nā suah khì tio̍h ái-ai-ai-aih
戇戇去 哭袂止
Gōng-gōng khì khàu buē tsí
規工 疼咧 想你
Kui-kang thiànn teh siūnn lí
敢講你 欲看我 變做按呢生?
Kám-kóng lí beh khuànn guá piàn-tsuè án-ní-sinn?
咱應該 相倚相依 像春花望露水
Lán ìng-kai sio-uá-sio-i tshiūnn tshun-hue bāng lōo tsuí
假使有當時會吵吵鬧鬧
Khá-sú ū tang-sî ē tshá-tshá-nāu-nāu
我嘛甘願歡喜
Guá mā kam-guān huann-hí
略略仔欲醉欲醉
Lio̍h-lio̍h á beh tsuì beh tsuì
按怎你愈看愈水
Án-tsuánn lí lú khuànn lú suí
佇我的心中幹焦一個你
Tī guá ê sim-tiong kan-na tsi̍t-ê lí
無啥人通佮你比
Bô siánn lâng thang kah lí pí
天邊的花欉 鼻袂著芳味
Thinn-pinn ê hue-tsâng phīnn buē tio̍h phang-bī
朋友的交插 嘛仝道理
Pîng-iú ê kau-tshap mā kāng tō-lí
你莫去數想 別人的富貴
Lí mài khì siàu-siūnn pa̍t-lâng ê hù-kuì
我嘛保證袂去偷食粉味 哎唷
Guá mā pó-tsìng buē khì thau tsia̍h hún-bī ai-ioh
若無你悲悲悲 魂不附體 生不如死
Nā bô lí pi-pi-pi hûn-put-hū-thé sing-put-jû-sí
風吹袂停 雨落袂離 日頭(足百)袂起
Hong tshue buē thîng hōo lo̍h buē lî ji̍t-thâu peh buē khí
我願意陪伴你
Guá guân-ì puê-phuānn lí
像字守護歌詩
Tshiūnn jî siú-hōo kua-si
不管佇當時 有你佇身邊
Put-kuán tī tang-sî ū lí tī sin-pinn
卡苦嘛笑微微
Khah khóo mā tshiò-bi-bi
不管佇當時有你佇身邊
Put-kuán tī tang-si ū lí tī sin-pinn
卡苦嘛笑微微
Khah khóo mā tshiò-bi-bi
你的聲 你的芳味 佇心中趖來趖去...
Lí ê siann lí ê phang-bī tī sim-tiong sô lâi sô khì...