作詞：李兆麟
作曲：李兆麟
人生行甲遮 閣求啥
Jîn-sing kiânn kah tsia, koh kiû siánn,
愛情 事業 噗仔聲？
Ài-tsîng sū-gia̍p pho̍k-á-siann?
有你佇身邊 身軀全傷嘛照捙拼
Ū lí tī sin-pinn, sin-khu tsuân siong mā tsiàu tshia-piànn.
感恩呢 一路有你陪伴
Kám-un--neh, tsi̍t-lōo ū lí puê-phuānn.
唱甲遮 腦海浮出你的形影
Tshiùnn kah tsia, nóo-hái phû tshut lí ê hîng-iánn.
咱的心 咱的名 黏甲遐爾倚
Lán ê sim lán ê miâ liâm kah hiah-nī uá.
天公伯啊 感謝禰乎阮機會啦！
Thinn-kong-peh--ah, kám-siā lí hōo gún ki-huē lah!
有緣熟似著你這個老伴
Ū iân si̍k-sāi tio̍h lí tsit-ê lāu-phuānn
人生行甲遮 閣欠啥
Jîn-sing kiânn kah tsia, koh khiàm siánn,
富貴 榮華 抑是名聲？
Hù-kuì îng-huâ ia̍h sī miâ-siann?
和你答喙鼓 可比藥仔止痠疼
Hām lí tap-tshuì-kóo, khó pí io̍h-á tsí sng-thiànn,
經濟 趣味 閣袂孤單
King-tsè tshù-bī koh buē koo-tuann,
唱甲遮 風中吹來你的笑聲
Tshiùnn kah tsia, hong-tiong tshue--lâi lí ê tshiò-siann,
想著好空的 就想著你的名
Siūnn tio̍h hó-khang--ê tō siūnn tio̍h lí ê miâ,
天公伯啊 感謝禰乎阮機會啦
Thinn-kong-peh--ah, kám-siā lí hōo gún ki-huē lah!
揣著好鬥陣的你 做我的老伴
Tshuē tio̍h hó tàu-tīn ê lí, tsuè guá ê lāu-phuānn.
唱甲遮 一幕幕的往事重搬
Tshiùnn kah tsia, tsi̍t-bōo-bōo ê óng-sū tîng-puann
咱的影 咱的腳步 綴甲遐爾倚
Lán ê iánn lán ê kha-pōo tuè kah hiah-nī uá.
天公伯啊 感謝禰乎阮機會啦！
Thinn-kong-peh--ah, kám-siā lí hōo gún ki-huē lah!
踮你身邊 做你的老伴
Tiàm lí sin-pinn, tsuè lí ê lāu-phuānn.
人生行甲遮 閣等啥？
Jîn-sing kiânn kah tsia, koh tán siánn?
緊說多謝 疼惜老伴！
Kín sueh-to-siā, thiànn-sioh lāu-phuānn!