他鄉的港口夜暝 一更過一更
夜茫霧罩在港邊 燈火搖搖動
無聊的旅愁暗暝 睏也睏袂去
心內憂孤單流浪 點在他鄉里
遙遙的天頂彼屏 怎樣引我想
天星也憐我孤單 霧中靜靜看
鄉里並無有一個 盼我回返去
男兒的難有目屎 怎會流落來
他鄉的港口夜暝 一更過一更
夜茫霧罩在岸邊 燈火暗茫茫
青春的空身單漢 前途無定處
隨風流飄來飄去 不知東還西
------------------------------------------
10898/《夜霧的港邊》Iā-bū ê Káng-pinn
文夏Bûn-hā
他鄉的港口夜暝
thann-hiong ê káng-kháu iā-mî
一更過一更
tsi̍t-kenn kuè tsi̍t-kenn
夜雺霧罩在港邊
iā bông-bū tà tsāi káng-pinn
燈火搖搖動
ting-hé iô-iô tāng
無聊的旅愁暗暝
bô-liâu ê lú-tshiû àm-mî
睏也睏袂去
khùn iā khùn buē-khì
心內憂
sim-lāi iu
孤單流浪
koo-tuann liû-lōng
踮在他鄉里
tiàm-tsāi thann-hiong-lí
遙遙的天頂彼邊
iâu- iâu ê thinn-tíng hit-pinn
怎樣引我想
tsuánn-iūnn ín guá siūnn
天星也憐我孤單
thinn-tshinn iā liân guá koo-tuann
霧中靜靜看
bū-tiong tsīng-tsīng khuànn
鄉里並無有一个
hiong-lí pīng bô ū tsi̍t-ê
盼我欲倒去
phàn guá beh tò-khì
男兒的難有目屎
lâm-jî ê lân-iú ba̍k-sái
怎會流落來
tsuánn ē lâu--lo̍h-lâi
他鄉的港口夜暝
thann-hiong ê káng-kháu iā-mî
一更又一更
tsi̍t-kenn iū tsi̍t-kenn
夜雺霧罩在岸邊
iā bông-bū tà tsāi huānn-pinn
燈火暗茫茫
ting-hé àm bông-bông
青春的空身單漢
tshing-tshun ê khang-sin tuann-hàn
前途無定處
tsiân-tôo bô tīng-tshù
隨風流飄來飄去
suî hong lâu phiau-lâi-phiau-khì
毋知東又西
m̄-tsai tang iū sai