作词：邵大伦、武雄
作曲：邵大伦
一句邀请的话 食饱未 无就佮我做伙 做伙来走揣
台湾头佮台湾尾好料的 早顿中昼喑顿宵夜 食饱未
免讲彼济 咱上在地 做伙踅踅咧 有啥物问题
大位你坐 我来奉茶 食饭皇帝大 万事拢OK
上界亲切的话 食饱未 毋管食饱犹未 咱拢来遮坐
台湾味佮人情味是有够济 乡亲序大厝边隔壁 食饱未
(口白)
来来来来来
自古以来 民以食为天
对有毛食甲棕蓑 有毒的食甲刺䲅
会飞的食甲鸡胿 会行的食甲电梯
细间的食到路边 大间的食到百货公司
有人早顿爱食咖啡 有人暗顿食到三更
有人食粽爱配芫荽 有人食糜爱配面麶
有人相吣 食著胭脂啊
鱼鱼肉肉 著爱菜甲 一人食一半 感情较袂散
食饱困 困饱食 食饱饱 等放假 有放假 紧来揣我
我攒好料的予你食
这片土地 温暖的家 全世界的朋友 拢是咱的兄弟姊妹
有闲爱相揣 无闲敲电话 千言万语 嘛是这句话
有够古锥的话 食饱未
阿公阿妈阿伯阿姆 食饱未
哥哥姊姊弟弟妹妹 食饱未
亲情五⼗朋友一百 食饱未
woo oh woo woo oh woo woo oh woo
早顿中昼喑顿宵夜 食饱未