作词：邵大伦、武雄
作曲：邵大伦
是啥人教我温柔的歌 温暖的感受心内的感觉
是啥人将阮疼入心肝 一针一线上幼腻的陪伴
你的勇气 是遐尔大 毋捌怨叹运命 辛苦过生活
你的肩胛 是遐尔阔 踮在你的身边 啥物拢免惊
世间变化 有你陪伴 阮就袂惊惶
你的包容 若像雨幔 风雨为阮闸
有你牵着我 轻轻唱出 安定阮心肝
茫茫人海中 是我的灯塔
海风吹来 有你陪伴 阮就袂孤单
漂浪的船 失落的碇 你tshuā阮靠岸
亲像彼粒星 永远看顾 安定的心肝
会当踮伫遮 陪你唱一段
向你讲一声 感谢
世间变化 有你陪伴 阮就袂惊惶
你的包容 若像雨幔 风雨为阮闸
有你牵着我 轻轻唱出 安定阮心肝
茫茫人海中 是我的灯塔
海风吹来 有你陪伴 阮就袂孤单
漂浪的船 失落的碇 你tshuā阮靠岸
亲像彼粒星 永远看顾 安定的心肝
会当踮伫遮 陪你唱一段
向你讲一声 感谢