作词：邵大伦、武雄
作曲：陈建玮
(Mama~Dada)
一条歌 遮尔短 无法度讲甲遐详细
忽然间 我的世界加你一个
记持不时停伫咧 你才拄来咱这个家
áⁿ你困 教你爬 偝你四界踅
从来毋捌想过 家己会改变遮尔济
所有的骄傲 嘛拢是因为我是恁老爸
我爱你 我的宝贝 无论牛奶阁欠偌济
我有去买 好爸爸的册 逐工下班拢看规暝
我爱你 我的宝贝 我爱你的所有一切
你若是小可有体会 捧场一下 共噗仔声催落去
一条歌 传香火 囉哩囉唆嘛讲真济
其实我 心内犹有一牛车的问题
梦中一直有一个 比我缘投的少年家
足爱笑 足好礼 嘛足gâu读册
从来毋捌想过 家己会得到遮尔济
所有的快乐 嘛拢是因为你是阮后生
我爱你 我的宝贝 无论你想欲飞去佗位
我会永远 来为你鼓励 做你上温暖的基地
我爱你 我的宝贝 我爱你的所有一切
无论你心内想啥货 Ga̋n-bat-teh 共噗仔声催落去
我爱你 我的宝贝 无论你想欲飞去佗位
我会永远 来为你鼓励 做你上温暖的基地
我爱你 我的宝贝 我爱你的所有一切
无论你这马是几岁 Ga̋n-bat-teh 共噗仔声催落去
一条歌 遮尔短 无法度讲甲遐详细
忽然间 我的世界加你一个
记持不时停伫咧 你才拄来咱这个家
我永远会为你 共噗仔声催落去
Ga̋n-bat-teh