《月夜孤儿》Gue̍h-iā Koo-jî
文莺Bûn-ing
暗淡月娘伴孤星
àm-tām ge̍h-niû phuānn koo-tshinn
夜风吹着冷吱吱
iā-hong tshue tio̍h líng-ki-ki
阿兄恬恬做你去
a-hiann tiām-tiām tsuè lí khì
阿母煞破病
a-bú suah phuà-pīnn
鹅銮鼻对佗去
Gô-luân-phīnn tuì toh khì
坐火车又无钱
tsē hé-tshia iū bô tsînn
烦恼目屎㴙㴙滴
huân-ló ba̍k-sái tsha̍p-tsha̍p-tih
含泪声声啼
hâm-luī siann-siann thî
路边稀微照树影
lōo-pinn hi-bî tsiò tshiū-iánn
阮的心肝谁知影
gún ê sim-kuann siáng tsai-iánn
为著阿兄透暝行
uī-tio̍h a-hiann thàu-mî kiânn
暗路心惊惶
àm-lōo sim kiann-hiânn
哪会变遮歹命
ná ē piàn tsiah pháinn-miā
沿路叫兄的名
iân-lōo kiò hiann ê miâ
害我变成流浪囝
hāi guá piàn-sîng liû-lōng-kiánn
孤单戆戆行
koo-tuann gōng-gōng kiânn