《流浪的孤女》Liû-lōng ê Koo-lú
文莺Bûn-ing
若想起细汉时
nā siūnn-khí sè-hàn sî
踮在阿母身躯边
tiàm-tsāi a-bú sin-khu-pinn
不时就欢欢喜喜
put-sî tō huann-huann-hí-hí
快乐过日子
khuài-lo̍k kè ji̍t-tsí
为怎样拆散分离
uī-tsuánn-iūnn thiah-suànn hun-lî
流浪来到他乡里
liû-lōng lâi-kàu thann-hiunn-lí
怨叹也无了时
uàn-thàn iā bô-liáu-sî
欸~无了时
eh~ bô-liáu-sî
窗边的蔷薇花
thang-pinn ê tshiûnn-bî-hue
伴阮孤单怨悲情
phuānn gún koo-tuann uàn pi-tsîng
他乡的乌暗长暝
thann-hiong ê oo-àm tn̂g-mî
雨水落袂停
hōo-tsuí lo̍h buē thîng
若亲像乌暗前途
ná-tshin-tshiūnn oo-àm tsiân-tôo
犹原袂得见光明
iu-guân bē-tit kìnn kong-bîng
悲伤也无路用
pi-siong iā bô-lōo-īng
欸~无路用
eh~ bô-lōo-īng
虽然是流浪的
sui-jiân sī liû-lōng ê
无依无倚的小女儿
bô-i-bô-uá ê sió lú-jî
忍耐著甘酸苦味
jím-nāi tio̍h kam-sng khóo-bī
勇敢活落去
ióng-kám ua̍h--lo̍h-khì
慈爱的我的阿母
tsû-ài ê guá ê a-bú
请你共我添勇气
tshiánn lí kā guá thiam ióng-khì
希望会出头天
hi-bāng ē tshut-thâu-thinn
欸~出头天
eh~ tshut-thâu-thinn