作詞：葉倬宇 Cake Yeh
作曲：葉倬宇 Cake Yeh
人情世事 毋是你想的遐爾仔簡單 你出一支喙 敢有可能？
莫講廢話 莫練痟話 莫講廢話 莫練痟話
你叫我聽你講 人生哪會浮浪貢
公司創空著你 朋友攏無義氣
莫閣佇怨嗟 莫閣練痟話
你講逐家虧欠著你 其實你虧欠社會
莫閣講廢話 廢話講煞練痟話 逐工出一支喙 講話攏無算話
莫閣講廢話 做代誌烏魯木齊 逐工出一支喙 做人愛跤踏實地
莫講廢話 莫練痟話 莫講廢話 莫練痟話
你畫的大餅 你講的計畫 敢是真正有影 真正講會過
出包就揣理由 帶屎牽拖厝邊 你講大家虧欠著你 其實你虧欠社會
心歹無人知 喙歹上厲害 暗時全頭路 天光無半步
莫閣講廢話 廢話講煞練痟話 逐工出一支喙 講話攏無算話
莫閣講廢話 做代誌烏魯木齊 逐工出一支喙 做人愛跤踏實地
嗚喔喔喔～ 莫講廢話
嗚喔喔喔～ 莫練痟話
莫閣出一支喙 請你趕緊做工課
嗚喔喔喔～ 莫講廢話
嗚喔喔喔～ 莫練痟話
莫閣出一支喙 逐工講屁話
人情世事毋是你想的遐爾仔簡單 你出一支喙敢有可能？