作詞：林含書 HaKU Lin、葉倬宇 Cake Yeh
作曲：林含書 HaKU Lin
到現此時 你煞來離開 無奈 命運來創治
想起過去 匪類的日子 轉袂去
命運親像海湧 有時猛有時浪平靜 攏無一定
哪會閣想著 咱鬥陣 行過的風景
你的聲音 你的面 攏佇記憶內面
就算悲傷 天光了後 也是過日子
懷念 你的聲音
猶原記著 頭前的路燈 是阮約定的所在
猶原聽著 開講的聲音 佇阮身邊
命運親像山嶺 有平順有坎碣的路 攏袂確定
哪會閣想著 咱鬥陣 行過的風景
你的聲音 你的面 攏佇記憶內面
就算悲傷 天光了後 也是過日子
懷念 你的聲音
人生無親像 電影 搬的圓滿美麗
若潑風雨 曝日頭 嘛是 總愛面對
離合悲歡 是註定的 宿命人生
莫有遺憾 把握時機
你佇佗位 攏袂要緊(你佇佗位 我揣無你 你的聲音 攏聽袂清)
你佇佗位 我攏相信(你佇佗位 我需要你 你的聲音 佇阮身邊)