作詞：陳政亮
作曲：陳秋山
恁喊來就來，喊去就去，我可比免洗的碗筷。
論斤秤兩，價數便宜，我只是恁心中的俗物。
恨我出世無含著金湯匙，作同款的工課受盡歧視，
作死作活攏無位置，作死作活攏無位置。
啊，人生路途一半過去，什麼成就毋敢來講起，
生活是現實的凌遲，懷念少年時代的無知。
啊，人生路途一半過去，什麼成就毋敢來講起，
生活是現實的凌遲，懷念少年時代的無知。
恁講圓是圓，講扁是扁，顛倒是非白賊慣習。
偷斤減兩，苛扣工錢，為家庭我改了歹脾氣。
困頓失志，問前途在那裡，想自己的運命，潦倒傷悲，
想暝想日，白髮幾許，想暝想日，白髮幾許。
啊，人生路途一半過去，什麼成就毋敢來講起，
生活是現實的凌遲，找回少年時代的勇氣。
啊，人生路途一半過去，什麼成就毋敢來講起，
生活是現實的凌遲，找回少年時代的勇氣。
啊，人生路途一半過去，什麼成就毋敢來講起，
生活是現實的凌遲，懷念少年時代的無知。
啊，人生路途一半過去，什麼成就毋敢來講起，
生活是現實的凌遲，找回少年時代的勇氣。