作詞:許冠傑 / 黎彼德
作曲:Curtis Sonny / Allison Jerry / 許冠傑
編曲:麥皓輪
蝦妹共你 我開親口會夾條脷
望到蝦妹我就冚身爽死
發燒手震又腳痺
蝦妹共你 手拖手確係和味
落夜街雞粥炸麵認真慳皮
最興幫襯趙發記
* 人係冇十全十美 針都冇話頭頭利
我並冇掹雞兼豆皮 弊呀弊在我冇骨氣
蝦妹望你 咪整色水猛學人哋
就係咁意等我哋做對知己
冇乜必要亂霎氣 *
為個銀 生蝦咁跳四圍問
為兩蚊 打生打死係唔忿
少咗個崩 拆屋都有份 你話無錢點樣會行運
望結婚 搵到錢至有緣份
恨亞珍 跟兜福水去胡混
諗起夠掹 有骨都要哽 佢話冇錢搵鬼配婚姻
通屋咁摷 捐窿捐罅搵嘢當
到處亂爬 見嘢就SA眼光光
喂 你咪當我喪 要載滿個米缸
咪笑我掛住發錢寒
OH... OH...
認老襟 偷呃拐騙搏人笨
逐個斟 口水翳乾麵皮韌
一味靠滾 冇乜邊句真 折墮到咁皆因冇銀
重唱 *