作詞：蘇翁
作曲：古曲
編曲：周熾楷
copyright control
生唱：綺夢花春冰 排愁未慣千杯勝
生白：素秋 素秋
生唱：紅樓月色醉看份外明 園外孤清荒涼 曲折紅梨徑
庭外我孤單低喚空對月嘆孤零
我自傷情 我為愛傷情 痴人早有恨壓傷心嶺
旦唱：他不羨白馬簪纓 他迷惑黃梁夢境
憐他深宵人不寐 憐他憔悴為痴情
我李代桃彊 三載埋名姓
他悼紅悲翠 千日裡喚盡 小名
一日積一寸相思 三載深情 難追認
旦白：想我與姨丈 也曾約法三章
佢要我鎖閉梨門 不能偷逾嘅
我此際意欲過園解慰
又怕失信於人 這 這教我如何是好呢
生白：啊 點解呢隻紅蝴蝶 對住我徘徊不去架呢
唔通呢隻蝴蝶就係素秋嘅魂魄 似啦
生唱：魂化蝶舞影 蝶似魄形成
魂魄夜半飄舞白玉亭 飄渺渺 似是來慰我孤清
生白：係咁就不枉我斷腸相思啦
生唱：秋夜墓門 今夜素秋化蝶來慰話餘情
生白：哎吔 素秋嘅魂魄 飛嚇飛嚇 飛咗過隔離添
唔得 我追過去至得
旦白：弊啦 痴秀才撲蝶追過園來添
咁 咁點算呢
生白：哎吔
旦白：秀才 你 你要尊重些
生白：姑娘 姑娘 我方才追住一隻紅蝴蝶
明明見佢飛落妳紅裙之下嘅 故而匆忙尋找咋
旦白：紅裙之畔 紅蝴蝶我就唔見啦 我只係見
旦唱：裙畔不見紅蝴蝶 只見鬼靈精
生白：方才險些唐突姑娘 俾妳鬧兩句都好應該嘅
唉素秋 妳嘅魂魄飛咗去邊到呀 唉
生唱：若憐我痴狂 快些出現顯靈性
生白：素秋
旦白：啊 你開口一句鬼魂 埋口又一句鬼魂
咁你到底係搵鬼魂呀 定抑或係搵蝴蝶架