《船頭可愛》Tsûn-thâu Khó-ài
郭金發Kueh Kim-huat
暫時來劃著渡船
tsiām-sî lâi kò tio̍h tōo-tsûn
毋願心憂悶
m̄-guān sim iu-būn
茫茫想心愛小姑娘
bâng-bâng siūnn sim-ài sió-koo-niû
欸~茫茫想
eh~ bâng-bâng siūnn
心愛小姑娘
sim-ài sió-koo-niû
甘蜜紅喙唇
kam-bi̍t âng tshuì-tûn
兩個人雖然分離
nn̄g-ê lâng sui-jiân hun-lî
永遠有情義
íng-uán ū tsîng-gī
等待著月娘浮出來
tán-thāi tio̍h ge̍h-niû phû--tshut-lâi
欸~等待著
eh~ tán-thāi tio̍h
月娘浮出來
ge̍h-niû phû--tshut-lâi
才轉去揣伊
tsiah tńg-khì tshuē i
拍拚來劃著渡船
phah-piànn lâi kò tio̍h tōo-tsûn
啥人會議論
siánn-lâng ē gī-lūn
最好是毋通來耽誤
tsuè-hó sī m̄-thang lâi tam-gōo
欸~最好是
eh~ tsuè-hó sī
毋通來耽誤
m̄-thang lâi tam-gōo
姑娘好青春
koo-niû hó tshing-tshun