作词：吕鸿志
作曲：火烧岛
破 网也破 壁也倒 解放的鬼岛人向前开路
破 网也破 壁也倒 机歪人的大军全面出动
臭酸的大雨直落落来 乌暗的暝染无色彩
无弯角的路 若走若喝若呼伴
三步做两步往顶高行 控制着阮的敌人就伫遐
风安怎吹雨安怎淋 无啥会当搁阻挡你我
对抗！车拼！ 横直就一条命
团结！输赢！ 为著尊严的性命
对抗！车拼！ 横直就一条命
团结！输赢！ 为著尊严的性命
伊对四界杀气腾腾包围过来 搝起铁网警告莫搁乌白乱来
几落发铳子削过皮肉 嘴犹未合就已经倒下
对抗！车拼！ “加加就一条命”
团结！输赢！ “性命何必著尊严？”
对抗！车拼！ “加加就一条命”
团结！输赢！ “性命何必著尊严？”
“讲这好听，我看伊是伤过看会起家己啊，啥物理想、啥物意志，对头壳共击落去就空啊！”
踏过满地的碎石佮玻璃 铁钩佮刺网搁咬著身体
伊一排一排举著棍仔挡着去路 机歪人拢总掠狂
捎著就搝来摃 逃的就押来拍
伫苦痛中游击 伫痛苦内拖磨
反击的时阵永远就是这马
未来是生是死就看血流敢会凋
喷火战车喷到尸体拢臭火凋 咱就共伊的轮框拆掉原地爆炸
鬼岛的人民团结起来啊 紧啊！就欲到位啊！
咱的意志爱乎山川知影 伊的压迫就让大海吞下