作词：吕鸿志
作曲：火烧岛
莫佮伊合作 莫对伊服从
欲止枵也免将这口气吞落
只要咱勇敢 阮之中就会出英雄
啥物款的环境 啥物款的生活 啥物款的社会 啥物拢无公平
甘愿做奴毋敢怨叹 无犁抢咧拖的日子
凭啥物伊会当对阮喝来就来喝去就去？
咱煞无法度做家己的主人？
指乎清楚啥人是敌人 目睭剥开共瞪共睨
指乎清楚啥人是敌人 举起家私准备抗争
这的血汗是去乎啥人提去
那会无消无息剩无半滴
黯淡的工厂内 火光咧闪炽
有人大声随后喝着 缀伊来去讨一个公理
软汫的反对的 拢总是敌人
昨日会变成过去 未来就是新的日子
指乎清楚啥人是敌人 目睭剥开共瞪共睨
指乎清楚啥人是敌人 举起家私准备抗争
一无所有 剩的只有暴力
这是革命 英雄就欲出世
紧 将伊掠起来 对伊的橐袋仔反反出来
紧 跤手剁落来 啥人叫伊敢共阮当做伊的资产
“天真！这寡英雄不过是棋子”“受阮控制让恁来支持”
话讲煞有哀哮声 人倒地爬袂起
才看着伊背后接着铁管线内面剩空气
大家流澜哀求拜托千万毋通挽掉生命维持器