作词：蒲庭龙
作曲：蒲庭龙
咱讲同款的话 咱唱同款的歌
因为阮是闽南人 咱厝人爱唱咱厝歌
咱有同款的梦 咱是爱拼的闽南人
因为有你的掌声相捧 阮的梦才会越来越红
咱厝的闽南歌 温暖到你 感动到我
每一句拢是在唱出阮心声
将阮的心事讲乎大家听 啊~
人生好像一条歌 免去计较是输是赢
只要用情用心来咱厝的歌
总有一天咱嘛是会第一名
------------------------------------------
《咱厝人唱咱厝歌》Lán-tshù-lâng Tshiùnn Lán-tshù Kua
蒲庭龙Pôo Tîng-liông
咱讲仝款的话
lán kóng kāng-khuán ê uē
咱唱仝款的歌
lán tshiùnn kāng-khuán ê kua
因为阮是闽南人
in-uī gún sī Bân-lâm-lâng
咱厝人爱唱咱厝歌
lán-tshù-lâng ài tshiùnn lán-tshù kua
咱有仝款的梦
lán ū kāng-khuán ê bāng
咱是爱拼的闽南人
lán sī ài piànn ê Bân-lâm-lâng
因为有恁的掌声相捀
in-uī ū lín ê tsióng-siann sio-phâng
阮的梦才会愈来愈红
gún ê bāng tsiah ē jú lâi jú âng
咱厝的闽南歌
lán-tshù ê Bân-lâm kua
温暖着你
un-luán tio̍h lí
感动着我
kám-tōng tio̍h guá
每一句
muí tsi̍t-kù
拢是咧唱出阮心声
lóng-sī teh tshiùnn-tshut gún sim-siann
将阮的心事
tsiong gún ê sim-sū
讲予逐家听
kóng hōo ta̍k-ke thiann
人生就像一条歌
jîn-sing tō-tshiūnn tsi̍t-tiâu kua
免去计较是输是赢
bián khì kè-kàu sī su sī iânn
只要用情用心
tsí-iàu iōng tsîng iōng sim
来唱咱厝的歌
lâi tshiùnn lán-tshù ê kua
总有一工
tsóng ū tsi̍t-kang
咱嘛是会第一名
lán mā sī ē tē-it-miâ