作词：李岩修
作曲：徐嘉良
骑着我的彼台脚踏车 一个人惦河边慢慢踏
日头炎但微微的风吹着真快活
就开始 故事一段
想卡早有妳的相作伴 两个人用笑容相对看
幸福啊是轻轻甲你的手牵相偎 煞变成过去比一段
堤防边的脚架车 陪我行过路一段
幸福伤心快乐甲心痛 抹倘表达的心晟
像风筝飞甲看无影
堤防边的脚踏车 甲我躺惦大树脚
天顶有风无云日照影
目睛湿湿想着啥 不是伤心是孤单
爱情是过去的卡早
------------------------------------------
《驳岸边的彼下晡》Poh-huānn Pinn ê Hit Ē-poo
蒲庭龙Pôo Tîng-liông
骑着我的彼台跤踏车
khiâ tio̍h guá ê hit tâi kha-ta̍h-tshia
一个人踮河边慢慢踏
tsi̍t-ê-lâng tiàm hô-pinn bān-bān ta̍h
日头炎
ji̍t-thâu iām
但微微的风
nā bî-bî ê hong
吹着真快活
tshue tio̍h tsin khuìnn-ua̍h
就开始故事一段
tiō khai-sí kòo-sū tsi̍t-tuānn
想较早
siūnn khah-tsá
有你的相做伴
ū lí ê sio tsuè-phuānn
两个人
nn̄g-ê lâng
用笑容相对看
iōng tshiò-iông sio-tuì khuànn
幸福啊
hīng-hok--ah
是轻轻共你的手牵相倚
sī khin-khin kā lí ê tshiú khan sio-uá
煞变成过去彼一段
suah piàn-sîng kuè-khì hit tsi̍t-tuānn
驳岸边的跤踏车
poh-huānn pinn ê kha-ta̍h-tshia
陪我行过路一段
puê guá kiânn kuè lōo tsi̍t-tuānn
幸福伤心
hīng-hok siong-sim
快乐佮心疼
khuài-lo̍k kah sim thiànn
袂当表达的心情
buē-tàng piáu-ta̍t ê sim-tsiânn
你我眼神相对看
lí guá gán-sîn sio-tuì khuànn
像风吹
tshiūnn hong-tshue
飞甲看无影
pue kah khuànn-bô iánn
驳岸边的跤踏车
poh-huānn pinn ê kha-ta̍h-tshia
佮我倒踮大树跤
kah guá tó tiàm tuā-tshiū-kha
天顶有风无云日照影
thinn-tíng ū hong bô hûn ji̍t tsiò iánn
目睭澹澹想着啥
ba̍k-tsiu tâm-tâm siūnn-tio̍h siánn
毋是伤心是孤单
m̄-sī siong-sim sī koo-tuann
爱情是过去的较早
ài-tsîng sī kuè-khì ê khah-tsá