feat. 李隽永 & 李昀庭
作词：李兆麟
作曲：李兆麟
这是一条啥物路 害我遮尔苦！
Tse sī tsi̍t tiâu siánn-mi̍h lōo hāi guá tsiah-nī khóo!
我的身躯软膏膏 前途看拢无
Guá ê sin-khu nńg-kô-kô tsiân-tôo khuànn lóng bô
尿哪会遮济泡
Jiō ná ē tsiah-tsē pho
羶哪会遮臭臊
Hiàn ná ē tsiah tshàu-tsho
痰哪会遐尔癞哥？
Thâm ná ē hiah-nī thái-ko?
莫缀我行这条路 彩色变乌乌！
Mài tuè guá kiânn tsit tiâu lōo tshái-sik piàn oo-oo!
斗阵的朋友乌趖趖 亲情闪阁 tshoh
Tàu-tīn ê pîng-iú oo-sô-sô tshin-tsiânn siám koh tshoh
字定看颠倒 喙讲甲无泡
Jī tiānn-tiānn khuànn tian-tò tshuì kóng kah bô pho
规身躯软膏落荍
Kui sin-khu nńg-kô-lo̍h-siô
少年的 听我讲
siàu-liân--ê thiann guá kóng
莫阁戆 莫阁荒唐
Mài koh gōng mài koh hong-tông
你若勼咧用 改掉免阁讲
Lí nā kiu teh iōng kái tiāu bián koh kóng
莫乎父母掠狂
Mài hōo pē-bú lia̍h-kông
沐著毒 人变做
Bak-tio̍h to̍k lâng piàn-tsuè
悾悾悾 楞楞楞
Khong-khong-khong gông-gông-gông
倯倯倯 戆戆戆
Sông-sông-sông gōng-gōng-gōng
这敢是你的愿望？
Tse kám-sī lí ê guān-bōng?
墨著毒 人生就
Bak tio̍h to̍k lîn-sing tio̍h
乌乌乌 趖趖趖
Oo-oo-oo sô-sô-sô
涂涂涂 苦苦苦
Thôo-thôo-thôo khóo-khóo-khóo
赶紧踏出这一步
Kuánn-kín ta̍h tshut tsit tsi̍t pōo
揣出口的路
Tshuē tshut-kháu ê lōo
啥人拐我行这条路 害我遮艰苦！
Siánn lâng kuái guá kiânn tsit tiâu lōo hāi guá tsiah kan-khóo!
怪我家己太糊涂 离绝路三四步
Kuài guá ka-kī thài hôo-tôo lī tsua̍t-lōo sann sì pōo
暝哪拢困袂饱
Mî ná lóng khùn bē pá
胃哪会遐尔慒
Uī ná ē hiah-nī tso
血哪会遐尔浊浊？
Hueh ná ē hiah-nī lô-lô?
莫缀我行这条路 闹热变孤孤！
Mài tuè guá kiânn tsit tiâu lōo lāu-lia̍t piàn koo-koo!
过去的朋友走拢无 员警定来囉嗦
Kuè-khì ê pîng-iú tsáu lóng bô kíng-tshat tiānn lâi lo-so
脑无啥清楚 魂到底伫佗
Náu bô sánn tshing-tshó hûn tàu-té tī-toh
兄哥煞看做阿嫂
Hiann-ko suah khuànn tsuè a-só
少年的 听我讲
siàu-liân--ê thiann guá kóng
莫阁戆 莫阁放荡
Mài koh gōng mài koh hòng-tōng
你若有咧用 改掉才阁讲
Lí nā ū leh iōng kái tiāu tsiah koh kóng
莫乎爸母失望
Mài hōo pē-bú sit-bōng
墨著毒 人变做
Bak tio̍h to̍k lâng piàn tsuè
悾悾悾 楞楞楞
Khong-khong-khong gông-gông-gông
雄雄雄 戆戆戆
Hiông-hiông-hiông gōng-gōng-gōng
紧褪掉乌色西装
Kín thǹg tiāu oo-sik se-tsong
墨著毒 人生就
Bak tio̍h to̍k lîn-sing tio̍h
乌乌乌 涂涂涂
Oo-oo-oo thôo-thôo-thôo
苦苦苦 No No No
Khóo-khóo-khóo
赶紧踏出这一步
Kuánn-kín ta̍h-tshut tsit tsi̍t pōo
往出口的路
Óng tshut-kháu ê lōo