(男) 大笪地好过 disco，仲有 night club 嘅享受，妙韵歌声解闷愁，街边演唱一流，愉快，轻松，优悠，添福兼夹添寿。
(女) 哗，唔怪得呢度叫做平民夜总会啦。
(男) 呀，失礼哂啦。
(女) 原来真系咁热闹个㖞。
(男) 热闹呢。
(女) 呀! 除咗有人喺街边演唱之外，你睇吓，仲有啲唱片档呀，不断咁播放啲流行曲。
(男) 好听呢。
(女) 真系同埋啲夜总会差唔多个喳，
(男) 梗系啦，啲夜总会虽然话有冷气唧，但系啲空气都好混浊架嘛。
(女) 咁呀系呀，
(男) 点似得呢度舒舒服服，风凉水冷，喂喂喂，仲有呀，呢度卖啲嘢，又经济，又实惠，乜都有得卖㗎，正所谓又平又靓。
(男) 大笪地呀啲嘢真系平，食嘢新鲜兼夹干净，若买新衫有款又平，占卜星相好灵，凉吓生风舒服，心境开朗少病。
(男) 嗱，日日收咗工，走出嚟大笪地凉吓啲生风，睇下海景，食吓啲宵夜，的确系享受一流架。
(女) 哗，你睇吓呢度，人山人海咁，
(男) 密质质呢。
(女) 系呀，A，周围啲档口又咁好生意噃，我谂，佢哋梗系赚到盘满钵满定喇，
(男) 咁又唔系噃，
(女) 哦﹖
(男) 佢哋虽然系好生意，只不过系微中取利，
(女) 点解呀﹖
(男) 若果你样样都卖贵哂，边度会有人帮衬你呢﹖
(女) 又系噃，可，
(男) 你听吓.....
(男) 大笪地摆档揾食难，做到蒙得揾两餐饭，落雨打风个心仲烦，又要揾钱伙记开饭，挨到啦，身水身汗，奔波好似走难。