作词：陈明瑜
作曲：陈明章
是不是应该来放弃 这个歹吃的头路
返来山顶
守着这片果子园 看天来吃饭
日时啊用心计较 迪仔这个都市讨生活
这嘴饭 虽然吃了无目屎
不过有满腹的土沙粉
真沉重 真沉重
给阮这个暗瞑孤单的人
三更半眠 想起故乡的楼窗
抬头 抬头看着这片天
黑白唱着这首歌 来伴你的孤单
无天星 无月娘
故乡的爱人啊的情歌
三更半眠 阮是流浪的黑猫仔姐
------------------------------------------
《流浪的乌猫仔姊》Liû-lōng ê Oo-niau-á-tsé
潘丽丽Phuann Lē-lē
是毋是应该来放弃
sī-m̄-sī ìng-kai lâi hòng-khì
这个歹食的头路
tsit ê pháinn-tsia̍h ê thâu-lōo
转来山顶
tńg-lâi suann-tíng
守着这片果子园
siú tio̍h tsit phìnn kué-tsí-hn̂g
看天来食饭
khuànn thinn lâi tsia̍h-pn̄g
日时仔用心计较
ji̍t--sî-á iōng-sim kè-kàu
伫咧这个都市讨生活
tī-leh tsit ê too-tshī thó sing-ua̍h
这喙饭
tsit tshuì pn̄g
虽然食了无目屎
sui-jiân tsia̍h-liáu bô ba̍k-sái
毋过有满腹的涂沙粉
m̄-koh ū muá-pak ê thôo-sua-hún
真沉重
tsin tîm-tāng
真沉重
tsin tîm-tāng
予阮这个暗暝孤单的人
hōo gún tsit ê àm-mî koo-tuann ê lâng
三更半暝
sann-kinn-puànn-mî
想起故乡的楼窗
siūnn-khí kòo-hiong ê lâu-thang
攑头
gia̍h-thâu
攑头看着这片天
gia̍h-thâu khuànn-tio̍h tsit phìnn thinn
乌白唱着这首歌
oo-pe̍h tshiùnn tio̍h tsit siú kua
来伴你的孤单
lâi phuānn lí ê koo-tuann
无天星
bô thinn-tshinn
无月娘
bô ge̍h-niû
故乡的爱人仔的情歌
kòo-hiong ê ài-jîn-á ê tsîng-kua
三更半暝
sann-kinn-puànn-mî
阮是流浪的乌猫仔姐
gún sī liû-lōng ê oo-niau-á-tsí
---
无天星
bô thinn-tshinn
无月娘
bô ge̍h-niû
故乡的爱人仔的情歌
kòo-hiong ê ài-jîn-á ê tsîng-kua
三更半暝
sann-kinn-puànn-mî
阮是流浪的乌猫仔姐
gún sī liû-lōng ê oo-niau-á-tsí