作詞：李岩修
作曲：徐嘉良
簡單的生活 過著自在無虛華
無夢到透早 清風春花來擾吵
牽著卡踏車 河邊慢慢慢慢行
看山看雲看天頂飛的鳥仔
六月的煙花 開惦月夜不甘散
像你將阮的手牽偎偎
我要為你來唱歌 唱出幸福的心晟
輕輕柔柔的歌聲 請你不倘來笑我
我要為你來唱歌 表示對你的感謝
感謝我的青春有你來做伴
------------------------------------------
9751/《為你唱歌》Uī Lí Tshiùnn-kua
劉依純Lâu I-sûn
簡單的生活
kán-tan ê sing-ua̍h
過著自在無虛華
kuè tio̍h tsū-tsāi bô hi-hua
無夢到透早
bô bāng kàu thàu-tsá
清風春花來擾吵
tshing-hong tshun-hue lâi jiáu-tshá
牽著跤踏車
khan-tio̍h kha-ta̍h-tshia
河邊慢慢慢慢行
hô-pinn bān-bān bān-bān kiânn
看山看雲
khuànn suann khuànn hûn
看天頂飛的鳥仔
khuànn thinn-tíng pue ê tsiáu-á
六月的煙花
la̍k-gue̍h ê ian-hua
開踮月夜毋甘散
khui tiàm gue̍h-iā m̄-kam suànn
像你將阮的手牽倚倚
tshiūnn lí tsiong gún ê tshiú khan uá-uá
我欲為你來唱歌
guá beh uī lí lâi tshiùnn-kua
唱出幸福的心情
tshiùnn-tshut hīng-hok ê sim-tsiânn
輕輕柔柔的歌聲
khin-khin jiû-jiû ê kua-siann
請你毋通來笑我
tshiánn lí m̄-thang lâi tshiò guá
我欲為你來唱歌
guá beh uī lí lâi tshiùnn-kua
表示對你的感謝
piáu-sī tuì lí ê kám-siā
感謝我的青春
kám-siā guá ê tshing-tshun
有你來做伴
ū lí lâi tsuè-phuānn