稀微的夜都市 小雨落歸暝
吉他聲訴哀悲 不知為什麼
親像表示我當時 在心內酸苦味
難訴的悲意 啊.. 雨又落不離
淒涼的月色明 四邊又肅靜
只有是嘆悲情 吉他聲無停
若是同情我環境 應該著好心倖
替我抱不平 啊.. 更深風愈冷
難忘的彼一晚 纏綿青春夢
吉他聲引動人 過去的苦疼
若有代念我斷望 彈一曲較輕鬆
安慰我心房 啊.. 吉他聲愈重
------------------------------------------
《深更的吉他》Tshim-kinn ê Gì-tah
洪一峰Âng It-hong
稀微的夜都市
hi-bî ê iā-too-tshī
小雨落規暝
sió-hōo lo̍h kui-mî
吉他聲訴哀悲
gì-tah siann sòo ai-pi
毋知為啥物
m̄-tsai uī-siánn-mih
親像表示
tshin-tshiūnn piáu-sī
我當時在心內酸苦味
guá tong-sî tsāi sim-lāi sng-khóo-bī
難訴的悲意
lân sòo ê pi-ì
啊~雨又落袂離
ah~ hōo iū lo̍h buē-lī
淒涼的月色明
tshe-liâng ê ge̍h-sik bîng
四邊又肅靜
sì-pinn iū siok-tsīng
只有是嘆悲情
tsí-ū sī thàn pi-tsîng
吉他聲無停
gì-tah siann bô thîng
若是同情我環境
nā-sī tông-tsîng guá khuân-kíng
應該著好心行
ìng-kai tio̍h hó-sim-hīng
替我抱不平
thè guá phāu-put-pîng
啊~更深風愈冷
ah~ kinn tshim hong jú líng
難忘的彼一暗
lân-bōng ê hit tsi̍t-àm
纏綿青春夢
tînn-mî tshing-tshun bāng
吉他聲引動人
gì-tah siann ín tōng lâng
過去的苦痛
kè-khì ê khóo-thàng
若有帶念我斷望
nā ū tài-liām guá tuān-bāng
彈一曲較輕鬆
tuânn tsi̍t-khik khah khin-sang
安慰我心房
an-uì guá sim-pâng
啊~吉他聲愈重
ah~ gì-tah siann jú tāng