作詞：武雄
作曲：施文彬
編曲：容沛誼
你所講的 其實無偌厲害
你咧想的 貧道我早著知
無愛甲你相諍 是因為我了解
諍到最後 大家攏起毛䆀
(諍到最後 大家攏變爬代)
你免臭彈 喙仔裂獅獅
講來講去 其實是落下頦
想欲移山倒海 今你嘛食較䆀
你這款跤數 塗跤排規排
(你這款跤數 莫怪無人愛)
我老神在在 老神在在 你上好探聽看覓
明明食無三把蕹菜 猶敢激遐大牌
我老神在在 老神在在 你毋免假鬼假怪
最好你實實在在 莫佇遐畫虎臭蓋
我老神在在 老神在在 你上好探聽看覓
明明吃無三把蕹菜 猶敢烏白亂來
我老神在在 老神在在 你毋免假鬼假怪
敢講到今你猶毋知 猶袂曉攑香來綴拜