作詞:溫尹嫦
作曲:溫尹嫦
客詞
冬
越過大海
季風渡來另外一種色个人
也渡來白馬
摎自家會走个火車
庄肚人看麼个都係新个
吂知白馬會帶走佢兜所有个細孲仔
也吂知毋過百年
森林會從山頂挲入佢兜个田坵
這當下
瞨目个長老用手指摸過山脈
講該山脈係盡恬盡恬个海浪
又講發風了
愛起浪了
春
越過大海
確實係起浪了
深暗个山脈天恁高逼來
日月無光
十五歲个後生仔擘開歸身目珠
烏疏滴溚裡肚相㓾
紅馬一飆上天
火灰遍野
較遠个所在天色臨暗
有人緊打語言个子彈
河壩青驚
水流結冰
頭擺 以後 所有个事情
凍成硬確確个石頭
沉落水底
夏
越過大海
到今佢兜還係毋知
柑仔花愛開該時節
仰會歸樹仔花苞變做石頭
禾仔麥仔摎包粟全部冇穀
淨記得原旦望等雷公帶雨水
嗄聽着遠遠个腳蹄
烏馬食忒月光 連等三年有日無夜
阿姆个乳菇同圳仔燥燥
無五穀 無蜜 無乳
渴人个風
還生个人迷迷痴痴
毋醒也無夢
最尾佢兜總係聽着
地泥肚飢个聲
噠 噠噠 噠
噠噠 噠 噠
華語
冬
越過海洋
季風帶來另一種膚色的人
也帶來白馬
和自己會跑的火車
村人看什麼都是新的
還不知道白馬會馱走他們所有的孩子
也不知道不過百年
森林會從山頂漫進他們的耕地
這時候
盲眼的長老用手指撫過山脈
說那山脈是最安靜的海浪
又說起風了
浪要來了
春
越過海洋
浪確實是來了
黑暗的山脈從天上壓下來
日月無光
十五歲的少年張開全身的眼睛
在一片漆黑裡廝殺
紅馬一躍上天
火與灰燼遍布原野
遠一些的地方天色昏黃
有人不停擊發語言的子彈
河流驚惶
河水結冰
從前 往後 所有的事情
凍成堅硬的石頭
沉入水底
夏
越過海洋
到現在他們仍不知道
橘子花該要開的那時節
怎會滿樹花苞都變成石頭
稻子麥子和玉米也結出空穗
只記得原來祈望雷鳴帶來雨水
卻聽見遠遠的蹄聲
黑馬吃掉月亮
一連三年有日無夜
母親的乳頭和水圳都枯涸
沒有五穀 沒有蜜 沒有乳汁
令人乾渴的風
還活著的人心神恍惚
醒不過來也無法入夢
最後他們總是聽見
大地飢餓的聲音
噠 噠噠 噠
噠噠 噠 噠