作詞：楊大正 Sam Yang
作曲：楊大正 Sam Yang
捾咧行李 毋情毋願 坐上彼班車
再會青春 再會美夢 你毋免等我
鉸掉頭鬃 穿上軍衫 綴著跤步聲
遮無好聽的歌 遮無好食的物件
想著我就心疼
我踮在一个烏暗的世界
有一工 我欲離開 這个所在
這是一條真長的路 我一想著就強欲起痟
最後猶是袂當了解 到底來遮創啥潲 永遠想袂曉
欲走無路 欲叫無聲 無奈的心情
世界無情放捒我 時間越頭做伊行
欲走無路 欲叫無聲 無奈的心情
過著這款的生活 繼續落去我會無性命
這是一條真長的路 我一想著就強欲起痟
最後猶是袂當了解 到底來遮創啥潲 永遠想袂曉
欲走無路 欲叫無聲 無奈的心情
世界無情放捒我 時間越頭做伊行
欲走無路 欲叫無聲 無奈的心情
過著這款的生活 繼續落去我會無性命