作詞：廖士賢
作曲：廖士賢
編曲：廖士賢
心情按怎攏袂輕鬆 身軀親像一隻蜈蚣 想欲來 鑽縫
空氣中流動的歌聲 虛情假意唱乎誰聽 莫閣來 擾亂
路燈的光 已經變淡 天抑未光 已經暗
路上的人 伊抑毋願
雙手展開雙手空空 誰的枕頭誰的頭鬃 又閣咧 作夢
卑微的人已經無聲 烏暗中浮動的形影 莫閣來 這亂
微微青光 暗中變化 恨你毋通 遮沈重
路上的人 伊走入縫
日思夜念到底創啥物 伊不值你這款真心對待
無吃無睏到底算啥物 伊不值你這款痴心留戀 留戀
心情按怎攏袂輕鬆 身軀親像一隻蜈蚣 想欲來 鑽縫
空氣中流動的歌聲 虛情假意唱乎誰聽 莫閣來 擾亂
路燈的光 已經變淡 天抑未光 已經暗
路上的人 閣走入縫
日思夜念到底創啥物 伊不值你這款真心對待
無吃無睏到底算啥物 伊不值你這款痴心留戀 留戀
啊 莫來這亂 啊 鑽縫