作詞：佚名
作曲：古曲
盲人抱怨
丈人實太尖酸
悲歌意亂傷心恐嘆目盲莫見天
於今竟以月缺難圓無言
紅顏綠鬢偷自怨
佢為檀郎暗牽
芳心已亂 怎得天復見
我彈箏空訴願
斷了相思線
自嘆惹下情愛纏綿
此生休再玉蕭戲鳳鸞
桃眉化春煙
韶華似飛箭
殘破此心
寒灰一寸
便是翠繞春光
任他變遷
任他變遷
修得再世緣
情天那邊 情天那邊
思憶並頭蓮
聽琴音 知彼意
真怕佢低頭無語
我更心似油煎
無可奈 強歡容
惟有解慰一番
親把玄霜奉獻
年哥 年哥
做乜你唔睬我呢
你乖乖地飲咗碗藥先啦 年哥
唔飲
年哥 我又冇對你唔住
點解你要咁對我呢
雲妹 你原諒我 我唔會好架
你唔好咁對我好唔好呀你
係 玉人為我痴心燙貼言難言
婚姻未變遷 我細彈玉箏似懷念
妹因我誤華年 惟有暗自裡悲酸
你若嫁此盲人 定抱終身怨
不該抗令尊
你應該嫁大村 你莫為我打算
年哥 年哥
你去邊呀有冇撞親你呀
哎呀你唔好郁
我隻眼好似睇到嘢啦喎
你件衫係唔係粉紅色㗎
係呀
你對耳環係唔係綠色㗎
係呀
哎呀 雲妹
我見到嘢啦雲妹
咁我就安樂晒啦年哥
你雙眼真係睇見嘢啦
咁我真係謝天謝地咯
不枉朝朝暮暮拜叩蒼天
雲霧撥開撥開重見月圓願
中了淡素娥眉願
眼見雲英偷偷笑話意可堅
真心相愛長作伴
我地舊情有情夢也牽
鴛鴦不變 長住樂園裡
共結白頭緣
妹你妹你如月中仙
君也君也貌翩翩
錦繡才華自有知音見
永心相愛憐
哎呀小姐呀 感恩深似天
睜開了眼見你玉容就更嬌艷
好似有情並蒂蓮
望下對樑上燕 燕飛天
我此日光明重賭
更喜花好月圓