作詞：朱錦春
作曲：許冠傑
人其實天生鍾意搲銀 愈搲得多隻手會更痕
抽筋我唔怕 總好過成世踎登
成日諗因乜解究手緊 我朝朝早都走去拜神
通宵我唔瞓 皆因我成晚都諗
我想執返幾蚊 走去學人賣魚蛋粉
其實搲水好簡單 最驚會炒粉
我做人係搏命勤力無靠呃氹 襟得瘀又抵得諗仲夠晒大份
我又唔係有事唔做搏個天冧 點解仍然係要我大力咁揼
人哋就數錢數到抽筋 我偏偏執錢都會見暈
週街四圍kwung 手緊各人會關心
成日諗因乜解究手緊 我朝朝早都走去拜神
通宵我唔瞓 皆因我成晚都諗
我想炒樓炒金 衰起上嚟又唔夠運
其實搲水好簡單 最慘夾硬啃
我做人係搏命勤力無靠呃氹 襟得瘀又抵得諗仲夠晒大份
我又唔係有事唔做搏個天冧 點解仍然係要我大力咁揼
其實我天生鬼咁滋陰 成日要揸起宗旨見人
掠水我唔慣 搲銀我全靠軍真
掠水我唔慣 搲銀我全靠軍真