作詞：鄭錦昌
作曲：謝有
編曲：麥皓輪
待我就為你哋唱支歌啦
有一個大漢叫十一哥
佢污糟邋遢又懶鬼惰 餐餐佢呀食最多
好車大炮就通街盪 哎呀佢最愛口多多
道理絕無又最囉嗦 見到烏鴉佢當了哥
佢天天練武話要修道 揸碌棍亂咁舞
上山學法覓單刀俠 泰山見了佢叫哦喲
遇見豔女就笑呵呵 佢猛追住尾跳阿哥哥
死冤死跟像癩蛤蟆 開口要佢做拍拖
嚇得個豔女魂魄飄盪 哎呀怕怕了阿十一哥
我越唱越有事幹多多 酒吧裡遇見阿十一哥
佢飲多幾杯又要闖禍 呱呱叫說話最多
借酒話醉趁機想搏亂 哎呀佢詐醉會手多多
邋遢自有邋遢之福 阿奀妹共佢也差不多
奀妹今天蜜約佢相會 偷偷叫句情哥
兩家願意就把婚訂 哎呀佢要嫁阿十一哥
啦啦啦啦啦