香港電台 金旗手選舉 主題曲
作詞：黎彼得
作曲：羅迪
揸車謙厚禮讓好榜樣，
塞下車咪亂禁個按猛響；
司機知道禮讓應表揚，
自製就會命長，心急亂咁搶，停殃！
揸車喺馬路上，休逞強；
慢吓手有意外，貴體會傷。
開快車要自量，亂飛翔，
難怪雷達咁啱影咗你相！
擰來擰去猛爬頭難忍受，
使乜爭先與恐後；
讓人哋去你若然能將就，
睇開哋笑住無謂嬲！
金旗手，謙厚功夫需要苦修；
重禮貌，心境開朗歡歡容容，
盡忘恨共憂。
金旗手，修養功夫可發可收；
重禮讓，福星高照安安全全，
自然就長壽。
揸車謙厚禮讓好榜樣，
塞下車咪亂禁個按猛響；
司機知道禮讓應表揚，
自製就會命長，心急亂咁搶，停殃！
揸車喺馬路上，休逞強；
慢吓手有意外，貴體會傷。
開快車要自量，亂飛翔，
難怪雷達咁啱影咗你相！
擰來擰去猛爬頭難忍受，
使乜爭先與恐後；
讓人哋去你若然能將就，
睇開哋笑住無謂嬲！
金旗手，謙厚功夫需要苦修；
重禮貌，心境開朗歡歡容容，
盡忘恨共憂。
金旗手，修養功夫可發可收；
重禮讓，福星高照安安全全，
自然就長壽。
金旗手，謙厚功夫需要苦修；
重禮貌，心境開朗歡歡容容，
盡忘恨共憂。