作詞：沈建豪
作曲：沈建豪
一句你無愛我 將阮打落深坑
二字分手的話 講以後嘜相找
當初甜蜜的情話 如今變做笑話
離開你的世界 傷心剩我一個
為何我到最後才知影 你是別人的
甘是我的溫柔不夠多 乎你來反背
為何我到最後才知影 你已有人陪
甘是我的關心無徹底 才乎別人將你當作寶貝
------------------------------------------
《最後才知影》Tsuè-āu Tsiah Tsai-iánn
沈建豪Sím Kiàn-hô
一句你無愛我
tsi̍t-kù lí bô-ài guá
將阮拍落深坑
tsiong gún phah lo̍h tshim-khenn
兩字分手的話
nn̄g-jī hun-tshiú ê uē
講以後莫相揣
kóng í-āu mài sio-tshuē
當初甜蜜的情話
tong-tshoo tinn-bi̍t ê tsîng-uē
如今變做笑話
jû-kim piàn-tsuè tshiò-uē
離開你的世界
lī-khui lí ê sè-kài
傷心賰我一個
siong-sim tshun guá tsi̍t-ê
為何我到最後才知影
uī-hô guá kàu tsuè-āu tsiah tsai-iánn
你是別人的
lí sī pa̍t-lâng--ê
敢是我的溫柔無夠濟
kám-sī guá ê un-jiû bô-kàu tsuē
予你來反背
hōo lí lâi huán-puē
為何我到最後才知影
uī-hô guá kàu tsuè-āu tsiah tsai-iánn
你已有人陪
lí í ū lâng puê
敢是我的關心無澈底
kám-sī guá ê kuan-sim bô thiat-té
才予別人
tsiah hōo pa̍t-lâng
將你當做寶貝
tsiong lí tòng-tsuè pó-puè