作詞：黎彼得
作曲：Traditional
編曲：區志雄
車來車往失失慌，行快爬頭招禍降，
佢聯群稱幫又結黨，佢滿懷熱血去認好漢。
佢累街坊，日夜心寒，
顧住遲早會瞓病床。
白：香港地窄人多，揸車就唔好咁喪，
警方戒備森嚴，啲雷達就周街放，
市區要慢慢嚟，郊外都唔可以亂放呀。
佢周時幾架就練天光，成晚勞嘈心盡喪，
隨時飛車入窄巷，風馳電掣佢係咁放呀。
電單車，要重安全，
意外橫生抱恨身亡。
白：各位要聽我講，千祈就唔好魯莽，
所謂遲到好過冇到，萬事都要提防，
我哋男兒志就在四方，記住就唔好搶鋼呀。
佢啷嚟啷去擾公安，成個車頭鑲住鋼，
隨時飛車入窄巷，風馳電掣佢係咁放呀。
望諸君，你切勿荒唐，
記住平安就你要預防。