作詞：黃敏
作曲：黃敏
(一)即久攏無看著你 心內真稀微
妳到底走去叨位 街頭巷尾找無你
你敢無代念過去 雙人纏綿的情意
無論是對我怎樣 我也深深愛著你
我的素蘭素蘭素蘭 心愛的素蘭 啊 我要找著你
(二)遠遠看見彼個姑娘 可愛的模樣
因為我暝日夢想 乎我那看那親像
行偎去她的身邊 甲以詳細偷看邁
雖然是少許有成 可惜完全是別人
我的素蘭素蘭素蘭 心愛的素蘭 啊 到底在那裡
------------------------------------------
7896/《心愛的在哪裡》Sim-ài--ê Tsāi Ná-lí
洪榮宏Âng Îng-hông
遮久攏無看著你
tsiah kú lóng bô khuànn-tio̍h lí
心內真稀微
sim-lāi tsin hi-bî
你到底走去佗位
lí tàu-té tsáu-khì tó-uī
街頭巷尾揣無你
ke-thâu-hāng-bué tshē-bô lí
你敢無帶念過去
lí kám bô tài-liām kè-khì
雙人纏綿的情意
siang-lâng tînn-mî ê tsîng-ì
無論是對我怎樣
bô-lūn sī tuì guá tsuánn-iūnn
我也深深愛著你
guá iā tshim-tshim ài-tio̍h lí
我的素蘭素蘭素蘭
guá ê Sòo-lân Sòo-lân Sòo-lân
心愛的素蘭
sim-ài ê Sòo-lân
啊~我欲揣著你
ah~ guá beh tshē-tio̍h lí
遠遠看見彼个姑娘
hn̄g-hn̄g khuànn-kìnn hit ê koo-niû
可愛的模樣
khó-ài ê bôo-iūnn
因為我暝日夢想
in-uī guá mî-ji̍t bāng-siūnn
予我那看那親像
hōo guá ná khuànn ná tshin-tshiūnn
行倚去伊的身邊
kiânn uá khì i ê sin-pinn
共伊詳細偷看覓
kā-i siông-sè thau-khuànn-māi
雖然是小可仔有成
sui-jiân sī sió-khuá-á ū-sîng
可惜完全是別人
khó-sioh uân-tsuân sī pa̍t-lâng
我的素蘭素蘭素蘭
guá ê Sòo-lân Sòo-lân Sòo-lân
心愛的素蘭
sim-ài ê Sòo-lân
啊~到底在哪裡
ah~ tàu-té tsāi ná-lí