作詞：胡曉雯
作曲：吳嘉祥
編曲：吳嘉祥
夜霧罩著無暝的城市 不分青春憨憨過日子
人海浮沉未來也茫茫 花蕊隨風飄零到何時
惦在虛華無情的世界 三分無奈七分是感概
鹽酸苦澀委屈也忍耐 夜半心酸只有露水哉
**無心花隨風四界飛 孤孤單單無人陪
若問花若無心怎樣開 阮也只有笑笑不講話
無心花隨風吹落地 離葉離枝受苦罪
若問花若無心怎樣開 阮也只有無聲 頭梨梨
------------------------------------------
《無心花》Bô Sim Hue
王壹珊Ông It-san
夜霧罩著無眠的城市
iā-bū tà tio̍h bô-bîn ê siânn-tshī
無魂青春戇戇過日子
bô-hûn tshing-tshun gōng-gōng kuè ji̍t-tsí
人海浮沉未來也茫茫
jîn-hái phû-tîm bī-lâi iā bâng-bâng
花蕊隨風飄零到何時
hue-luí suî hong phiau-lîng kàu hô-sî
踮在虛華無情的世界
tiàm-tsāi hi-hua bô-tsîng ê sè-kài
三分無奈七分是感概
sann-hun bô-nāi tshit-hun sī kám-kài
鹹酸苦澀委屈也忍耐
kiâm-sng khóo-siap uí-khut iā jím-nāi
夜半心酸只有露水知
iā-puànn sim-sng tsí-ū lōo-tsuí tsai
無心花隨風四界飛
bô sim hue suî hong sì-kè pue
孤孤單單無人陪
koo-koo-tuann-tuann bô-lâng puê
人問花若無心怎樣開
lâng mn̄g hue nā bô sim tsuánn-iūnn khui
阮也只有笑笑毋講話
gún iā tsí-ū tshiò-tshiò m̄ kóng-uē
無心花受風吹落地
bô sim hue siū hong tshue lo̍h tē
離葉離枝受苦罪
lî hio̍h lî ki siū khóo-tsuē
人問花若無心怎樣開
lâng mn̄g hue nā bô sim tsuánn-iūnn khui
阮也只有無聲頭犁犁
gún iā tsí-ū bô-siann thâu lê-lê