作詞：盧永強
作曲：鍾鎮濤
想話行街大家拖手，遇到親戚又怕醜，想話同你食叉燒包，等位已經等瘦。
放棄市區嘅俗氣，一於到郊外去，海邊嘅景色秀，四處去享受下，海邊嘅風味夠，啲蝦醬好鬼臭。
想學文藝片蕩千秋，但公園一拃馬騮，睇實唔願走重好多口，只得暗中詛咒，去哪裡可以做竇，深宵拍拖到下晝，搵一處都罕有，我看見水裡面有，青娃兩夫婦合奏，不需要好講究。
人怎比得上青娃能一生快樂透，有池塘為伴岸邊綠柳，手指尾輕輕扣。
寧願做對青娃，攬住叫，攬住笑，四面游。
人怎比得上青娃能一生快樂透，有池塘為伴岸邊綠柳，手指尾輕輕扣。
寧願做對青娃，攬住叫，攬住笑，四面游。
倘若成真，做咗青娃，大家一Pair實冇憂，挨住蓮花嘰嘰呱呱，講心要講番夠。
晚晚我都對住你，水面唱歌我伴奏，今生我乜都有。
我要你攬實我，攬一世都冇話夠，蝌蚪要生幾竇。
晚晚我都對住你，水面唱歌我伴奏，今生我乜都有。
我要你攬實我，攬一世都冇話夠，生仔要生幾竇。