作詞：阮眉
作曲：古曲
編曲：麥皓輪
我到而家都未結婚 返鄉下去問嚇親友喇
執到正至夠醒目 個個估我身家厚呀
嗱識到一位女友 佢羨慕香港客
佢願結佳偶 我呃佢香港有層樓
做經理就薪水厚 哎呀其實我係個小工友咋
租半間劏房 氣味冤又臭呀
細到似番梘盒 間房亂過狗竇呀
咁去求伴侶喎 鬼會將你吼咩
香港地尋伴侶 你要知道係最難求
嗱要利是 樓又要有 車又要有
一切要供給夠
嗱認真係冇收 識穿俾佢追瘦呀
佢對我反目 話俾我就呃得透喎
當初認富有 點不知充生曬 我係塊空心藕
佢愛香港有自由 鍾意香港客
財又有 物質都有呀
申請到香港 佢話要享受夠呀
香港處處都失業 冇身份証仲苦透
喂其實你喺中國都不必憂呀
香港地窮亦有 你咪估我身家厚
嗱你話實好願嫁或者不願嫁 請你真諗通透