作詞：陸永 / C 君
作曲：DJ Galaxy
編曲：麥皓輪
玲玲出嚟又睇掌喇 農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
一命二運三風水 人有三衰六旺 我仲要衰到幾歲
究竟點解 佢出世嗰時含住條金鎖匙
又點解 我成間屋仲細過佢個坐厠
又點解 我次次買六合彩時中得一個字
係咪我出事 出世喺亥時
點解 佢係我波士揸波子
我好多COINS佢好多女士
同人唔同命同遮唔同柄
十九八七六五四三二一
一命二運三風水 四捨五入犯太歲
六六無窮都仲咁衰 七除八扣又九十歲
十個光頭都唔同命水 人出唱片我出唱片 出到喺頒獎典禮裡面
鏡頭唔影呢面 觀眾睇我唔見
我哋坐喺側田嘅側面側面側面側過側田
點樣先做到歌星 急急如律令 俾啲掌聲有請
玲玲出嚟又睇掌喇 農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
一命二運三風水 四積陰德五六歲
七八年後我生個女 九十幾歲都仲未去
個個都唔同命水 人踢波時我又踢波
但係點解人哋踢皇馬 我就踢南華
球迷唔多想睇 我又唔多矜貴
場場都以和為貴打和打和和過和仔
點樣先做到球星 急急如律令 俾啲掌聲有請