Text：鄧潔明
我第四個女朋友終於飛咗我呀 又係咁
我係送Pizza嘅
講真啦 我已經冇乜感覺
我淨係識得做呢樣嘢
就好似宜家咁 用最短嘅時間將個餅送嚟比人
點知Lift門打開 我見個女仔踎喺度執緊衫同啲化粧品
佢望我一眼 似係同自己係度講：「你真係咁快?!」
跟住就攞咗盒Pizza 坐咗喺個喼上面食
咬咗一啖 就笑住同我講：「仲好熱架 好好食呀」
佢開心到有啲唔好意思
夜晚十一點幾 我揸返電單車走
但係仲記住嗰個女仔笑住咁同我講「唔該」果陣
一滴黑色嘅眼淚 流落佢塊臉上面
我諗 我知嗰種就係咩都冇晒嘅感覺