十三四歲 喊佢白毛城逐臨暗 阿爸匍等背 擐等油火尖過海風 㧯船仔送一蕊光十九二十 逐日看船流漲流退 日落月出這船仔會載人出去 仰毋識載人轉二十五六 原來阿爸逐暗晡个風景就淨十六浬 淨淨十六浬昨晡日 前日 大前日 擠擠佇該過較去 天光日還撞走在暗昏个海上斷烏該時節這島就變成一口井恅著無底 係海暗曚曚个 係夜斷烏該時節這島就變成一口井原來無底 係孤單暗曚曚个 係寂寞