陈百祥 > 全港至叻星 > 马照跑

马照跑

作词:小丙
编曲:方树梁
监制:区瑞强

拿拿临拿拿临拿临咪仆衬
人人人人人买飞都几廿“匀”
财神爷财神爷财神快上身
中镬甘先够顶瘾
是命运是命运事实未必用心买乜都梗会有运
是幸运是幸运是但乱点乱拣乱笃都中镬“啃”
未系笨未系笨实在未必赢梗实则小赌可怡神
实在笨实在笨若为大赌度水度银真老衬

有乜嘢 早过倒塔 系睇晨操睇试闸
点分靓嘢同埋垃圾 各施各法各牙刷
好似验尸咁验法 最怕佢晨早口“抹抹”
睇肚“Dump”又睇色泽 毛色靓肯定唔会“鸭”
短途胸肌要发达 长途最紧要睇脚法
千四唔跑跑千八 呢匀肯定大古惑
唔好睇少排位配搭 牌仔未必唔合拍
周末一于入场博杀 赢番几口有排“吔”
有排“吔”
加码 加码 加码 加码

心思思 点落注 以小博大最啱Key
一胆四脚买孖T 孖Q稳阵一拖二
自制过关好Easy 串嚟串去斗Quali
6串63过关位置 发鬼咗达都冇人知
乱局最好买少啲 博佢爆冷博Chance
又可以 买骑师 大师肯定好斗志
仲有刀仔锯大树 六环彩最少买一注
随时讲声唔好意思 中番个特奖有Face

拿拿临拿拿临拿临咪仆衬
人人人人人买飞都几廿“匀”
财神爷财神爷财神快上身
中镬甘先够顶瘾
是命运是命运事实未必用心买乜都梗会有运
是幸运是幸运是但乱点乱拣乱笃都中镬“啃”
未系笨未系笨实在未必赢梗实则小赌可怡神
实在笨实在笨若为大赌度水度银真老衬

去马 去马 去马 去马
一出闸“佯”两“佯” 出唔到闸真衰样
唔知故意定系唔想 好彩长途都冇咁伤
前段包尾好紧张 中段上前似番啲样
沿途㩒住唔好抢 留到直路至斗斤两
转入直路坐包厢 前面受阻好勉强
抽出外栏再度上 左手推骑右手扬
鞭鞭有力啪啪响 最后几步上上上
且!…… 叮当马头要影相
厕所都唔去等中奖

赢马 赢马 赢马 赢马
买Win佢跑Place 买Place佢跑第四
Q T配脚包大“尾” 真系想我提早收皮
搅到临尾仲走去补飞 嘥哂心机又脚都痺
大热倒灶唔出奇 爆冷肯定分到飞起
A…… 睇吓电算机
Objection亮起唔好Meet飞 一于告到佢甩臂
仲告得佢甩真系欢喜 收番个特奖真系肥
输咗嘅唔驶谷鬼气 叫马会做好心理准备
下次要“略”到佢趴地

拿拿临拿拿临拿临咪仆衬
人人人人人买飞都几廿“匀”
财神爷财神爷财神快上身
中镬甘先够顶瘾
是命运是命运事实未必用心买乜都梗会有运
是幸运是幸运是但乱点乱拣乱笃都中镬“啃”
未系笨未系笨实在未必赢梗实则小赌可怡神
实在笨实在笨若为大赌度水度银真老衬