作词：如意
作曲：如意
风不肯接受 我想妳的愁
煽着我的面 笑我喝雄酒
雨淋着我满身躯
酒甲泪 谁尚苦分抹清
一句话就准煞 妳已经无爱我
看着妳做妳行 心肝像针在割
我不敢哭出声 不敢叫妳的名
身边只有心寒 心痛
我不敢哭出声 用酒渥淡孤单
敬天下所有心痛 干杯啦
--------------------------------------------
《毋敢哭出声》M̄-kánn Khàu Tshut-siann
陈随意Tân Suî-ì
风毋肯接受我想你的愁
hong m̄-khíng tsiap-siū guá siūnn lí ê tshiû
搧着我的面
siàn tio̍h guá ê bīn
笑我啉雄酒
tshiò guá lim hiông-tsiú
雨淋着我满身躯
hōo lâm tio̍h guá muá sin-khu
酒佮泪
tsiú kah luī
啥上苦
siánn siōng khóo
分袂清
hun buē tshing
一句话就准煞
tsi̍t-kù uē tō tsún-suah
你已经无爱我
lí í-king bô ài guá
看着你做你行
khuànn-tio̍h lí tsuè lí kiânn
心肝像针咧割
sim-kuann tshiūnn tsiam teh kuah
我毋敢哭出声
guá m̄-kánn khàu tshut-siann
毋敢叫你的名
m̄-kánn kiò lí ê miâ
身边只有心寒心疼
sin-pinn tsí-ū sim hân sim thiànn
我毋敢哭出声
guá m̄-kánn khàu tshut-siann
用酒沃澹孤单
iōng tsiú ak-tâm koo-tuann
敬天下所有心疼
kìng thian-hā sóo-ū sim-thiànn
干杯啦
kha̋m-pái--lah