19088/《想着心足疼》Siūnn-tio̍h Sim Tsiok Thiànn
吴木Ngôo Bo̍k
你的跤步声
lí ê kha-pōo siann
伫咧门外恬恬行
tī-leh mn̂g-guā tiām-tiām kiânn
雨水滴袂煞
hōo-tsuí tih buē-suah
像目屎流袂焦
tshiūnn ba̍k-sái lâu buē ta
莫问我按怎
mài mn̄g guá án-tsuánn
莫问我敢会疼
mài mn̄g guá kám ē thiànn
满腹的痛苦佮孤单
muá-pak ê thòng-khóo kah koo-tuann
为何一句一句的咒誓
uī-hô tsi̍t-kù-tsi̍t-kù ê tsiù-tsuā
如今全然拢拍破
jû-kim tsuân-jiân lóng phah-phuà
想着心酸酸
siūnn-tio̍h sim sng-sng
想着心足疼
siūnn-tio̍h sim tsiok thiànn
为何对我
uī-hô tuì guá
遮尔无心肝
tsiah-nī bô-sim-kuann
无留生路予我行
bô lâu senn-lōo hōo guá kiânn
用感情来输赢
iōng kám-tsîng lâi su-iânn
遮尔粗残的手段
tsiah-nī tshoo-tshân ê tshiú-tuānn
你敢知
lí kám tsai
我的心会疼
guá ê sim ē thiànn