成功的人(弹唱版)

作词: PiA吴蓓雅
作曲: PiA吴蓓雅

你食饱未 敢阁咧无闲工课?
我定定伫无聊的下晡 接着你的电话
犹未(á-buē)出头天 这是面子的问题
欲按怎讲著台北的生活 遮尔(tsiah-nī)艰苦

知啦 知啦 好啦 先按呢 我欲去无闲 我欲做一个成功的人
莫定敲电话 烦恼我食饱未 台北的生活 真正是足奢飏(tshia-iānn)

谁知影有一工煞接无你的电话 你是走去佗
有一个所在若是会当予你轻松的过
我嘛会放心 予你离开

想起彼工 徛伫亭仔跤 看着彼个名 彼敢是我熟悉的人
这敢毋是 一场梦 送你离开的最后一段路 遮尔(tsiah-nī)艰苦

好啦 好啦 你爱较早困 我欲去无闲 我欲做一个成功的人
莫定敲电话 烦恼我食饱未 台北的生活 真正是足奢飏(tshia-iānn)

谁知影有一天煞接无你的电话 你是走去佗
有一个所在若是会当予你轻松的过
我嘛会放心 予你离开

谁知影有一天煞接无你的电话 你是走去佗
有一个所在希望会当予你轻松的过
我嘛会放心 放心予你离开

请予我机会 讲一半句仔我想欲讲的话
我毋是逐摆欲刁工佮你冤家
莫食伤济薰 后世人爱继续弹吉他
若是有闲 著爱来看我 著爱来看我

谁知影有一天煞接无你的电话 你是走去佗
有一个所在希望会当予你轻松的过
我嘛会放心 放心予你离开

好啦 好啦 你爱较早困 我欲去无闲 我欲做一个成功的人


吴蓓雅( PiA ):成功的人(弹唱版),来自专辑《成功的人》。
发行日期:2021-10