主唱：谭炳文/李香琴
作词：佚名
作曲：古曲
男：喂静静地叫一声 噢 我哋个打令
女：咪乱叫打令 讲笑揾过第样倾
男：哎吔 你又话对我心倾
女：休要自作多情
男：情缘曾共订
女：哎一切事我唔承认
男白：喂 唔承认你话过爱我架吗
女白：哎吔你够话送只十五卡钻石戒子俾我啦 得个讲字咋
男白：哎吔我系你身上都使咗唔少钱架啦 阴公
女白：哎吔呢啲系阁下嘅事啦
男：唉念旧日送妹多金 可见为你痴情
女：从前情已断 睇你衰相就气顶
男：我下跪痛哭一声 请你念我真诚
女：种下牡丹花 水无滴废事倾
男白：哎吔原来你系拜金主义嚟嘅
女白：唏你知得迟啦
男白：未迟 哎呀我真系有只十卡嘅钻石
有层楼有一百万支票送俾你而家悭番lu
女白：吓
女：热烈共抱呼千声 噢我哋个打令
男：从前情已断 睇你冤气重气顶
女：呀 啊 我跪吓再嗌千声 男：休要自作多情
女：求情人见谅 男：一切事都费事倾
男白：我得闲至嚟过喇 再见再见
女白：喂喂喂喂喂 倾下先啦倾下哎吔咁咁就走甩咗只肥羊啦