作词：陈玉贞
作曲：陈美威
想你的深情 亲像坠落大海放呼伊沈
想阮的心意 亲像秋风找无靠岸的日子
若是阮的相思 亲像前世被你剪断的情丝
等待你的约期 亲像月娘千万遍的半边圆
阿~咱的春天无彩窗外过时的花蕊
新年若是再花期 阮的青春嘛是为你加一年
阿~咱的批信无彩海角寄甲到天边
旧年写甲千万字 你不知影我 我不知影你
18741/《想你》Siūnn Lí
江蕙Kang Huī
想你的深情
siūnn lí ê tshim-tsîng
亲像坠落大海
tshin-tshiūnn tuī-lo̍h tuā-hái
放予伊沉
pàng hōo i tîm
想阮的心意
siūnn gún ê sim-ì
亲像秋风
tshin-tshiūnn tshiu-hong
揣无靠岸的日子
tshē-bô khò-huānn ê ji̍t-tsí
若是阮的相思
nā-sī gún ê siunn-si
亲像前世
tshin-tshiūnn tsîng-sè
被你剪断的情丝
pī lí tsián-tn̄g ê tsîng-si
等待你的约期
tán-thāi lí ê iok-kî
亲像月娘
tshin-tshiūnn gue̍h-niû
千万遍的半爿圆
tshian-bān piàn ê puànn-pîng înn
啊~咱的春天
ah~ lán ê tshun-thinn
无彩窗外过时的花蕊
bô-tshái thang-guā kuè-sî ê hue-luí
新年若是再花期
sin-nî nā-sī tsài hue-kî
阮的青春
gún ê tshing-tshun
嘛是为你加一年
mā sī uī lí ke tsi̍t-nî
啊~咱的批信
ah~ lán ê phue-sìn
无彩海角寄甲到天边
bô-tshái hái-kak kià kah kàu thinn-pinn
旧年写甲千万字
kū-nî siá kah tshian-bān jī
你毋知影我
lí m̄ tsai-iánn guá
我毋知影你
guá m̄ tsai-iánn lí