黄乙玲 > 甲你作伴 > 跟你趴趴走

跟你趴趴走

作词:简志霖
作曲:庄立帆

有外久无甲你作伙散步 阮牵着你 感觉爱情的温度
不管好天落雨 踏着轻松的脚步 就算讲爱哭爱跟路

*有你就不惊会行不对路 有你保护 就不惊伊天有外黑
简单是一种幸福 烦恼变成轻可 希望阮会当拢永远 陪伴你去散步

#甲你一步两步三步 跟你趴趴走 四界行透透 阮会将你跟着著
爱你一冬两冬三冬 爱甲你变老 你犹原彼呢缘投 置阮心中你最重要

Repeat *,#

咁会有人行入 咱的爱情旅途 阮会跟好你的脚步

Repeat #

-----------------------------------------------

《缀你抛抛走》Tuè Lí Pha-pha-tsáu
黄乙玲N̂g It-lîng

有偌久无佮你做伙散步
ū guā kú bô kah lí tsò-hué sàn-pōo
阮牵着你
gún khan-tio̍h lí
感觉爱情的温度
kám-kak ài-tsîng ê un-tōo
毋管好天落雨
m̄-kuán hó-thinn lo̍h-hōo
踏着轻松的跤步
ta̍h-tio̍h khin-sang ê kha-pōo
就算讲爱哭爱缀路
tiō sǹg-kóng ài-khàu ài tè-lōo

有你就毋惊会行毋著途
ū lí tō m̄-kiann ē kiânn m̄-tio̍h lōo
有你保护
ū lí pó-hōo
就毋惊伊天有偌乌
tiō m̄-kiann i thinn ū guā oo
简单是一种幸福
kán-tan sī tsi̍t-tsióng hīng-hok
烦恼变成轻可
huân-ló piàn-sîng khin-khó
希望阮会当拢永远
hi-bāng gún ē-tàng lóng íng-uán
陪伴你去散步
puê-phuānn lí khì sàn-pōo

佮你一步两步三步
kah lí tsi̍t-pōo nn̄g-pōo sann-pōo
缀你抛抛走
tè lí pha-pha-tsáu
四界行透透
sì-kè kiânn-thàu-thàu
阮会将你缀牢牢
gún ē tsiong lí tè tiâu-tiâu
爱你一冬两冬三冬
ài lí tsi̍t-tang nn̄g-tang sann-tang
爱甲你变老
ài kah lí piàn lāu
你犹原遐尔缘投
lí iu-guân hiah-nī iân-tâu
伫阮心中你最重要
tī gún sim-tiong lí tsuè tiōng-iàu
---

敢会有人行入
kám ē ū-lâng kiânn-ji̍p
咱的爱情旅途
lán ê ài-tsîng lú-tôo
阮会缀好你的跤步
gún ē tuè hó lí ê kha-pōo