19224/《孤独客》Koo-to̍k Kheh
叶启田Ia̍p Khé-tiân
孤单又来到
koo-tuann iū lâi-kàu
重庆北路口
Tiông-khìng Pak-lōo kháu
夜市伊遮尔热闹
iā-tshī i tsiah-nī jia̍t-nāu
可比是阮兜
khó-pí sī gún tau
烧酒贮一瓯
sio-tsiú té tsi̍t-au
啉落汗那流
lim--lo̍h kuānn ná lâu
何必来为爱心操
hô-pit lâi uī ài sim tshau
爽快阁有情调
sóng-khuài koh ū tsîng-tiāu
世间的奥妙
sè-kan ê ò-miāu
我是看透透
guá sī khuànn thàu-thàu
人生哪著计较
jîn-sing ná-tio̍h kè-kàu
一年一年老
tsi̍t-nî tsi̍t-nî lāu
烧酒阁一瓯
sio-tsiú koh tsi̍t-au
趁这阵年少
thàn tsit-tsūn liân-siàu
感情是对我无效
kám-tsîng sī tuì guá bô-hāu
这款较有情调
tsit khuán khah ū tsîng-tiāu
有时阵心头
ū-sî-tsūn sim-thâu
想着强欲吼
siūnn-tio̍h kiōng-beh háu
予伊来放捒了后
hōo i lâi pàng-sat liáu-āu
毋愿阁再交
m̄-guān koh-tsài kau
烧酒再一瓯
sio-tsiú tsài tsi̍t-au
当做阮无聊
tòng-tsuè gún bô-liâu
啉予伊茫茫渺渺
lim hōo i bông-bông-biáu-biáu
比较较有情调
pí-kàu khah ū tsîng-tiāu