作词：黄敏
作曲：吕金守
有什么难过 流浪的人四界
毋是我一个 以外犹真济(犹：ia¯)(济：ze¯)
做男儿总是 四海为一家
应该著忍耐一切 毋通佮人来冤家
做一个 做一个五尺以上的少年家
有决心的人 毋惊一切的困难
无论是做工 心情也轻松
斗阵是有缘 互相疼痛(斗：dau_)
毋通来轻视别人 当做家己是爻人(爻：ghauˇ)
彼款人 最使的乎人真怨叹无采工
有情有义是 世间人的本钱
做你去天边 海角也安慰
请你免挂意 提出志气
为著前途要紧 佮人七逃无了时
光明里 等待你敢紧向前去向前去
《男性的气魄》Lâm-sìng ê Khì-phik
叶启田Ia̍p Khé-tiân
↓↓---(口白)---↓↓
五尺以上的查埔囝
gōo-tshioh í-siōng ê tsa-poo-kiánn
流浪有啥物难过
liû-lōng ū siánn-mih lân-kuè
总讲一句
tsóng-kóng tsi̍t-kù
你嘛为着生活
lí mā uī-tio̍h sing-ua̍h
我嘛为着生活
guá mā uī-tio̍h sing-ua̍h
到这个年岁
kàu tsit-ê nî-huè
啥人袂晓想
siánn-lâng buē-hiáu siūnn
啥人袂晓想咧
siánn-lâng buē-hiáu siūnn teh
↑↑---(口白)---↑↑
有啥物难过
ū sí-mih lân-kuè
流浪的人四界
liû-lōng ê lâng sì-kè
毋是我一个
m̄-sī guá tsi̍t-ê
以外也真济
í-guā iā tsin tsuē
做男儿总是四海为一家
tsuè lâm-jî tsóng-sī sù-hái uī it-ke
应该著忍耐一切
ìng-kai tio̍h jím-nāi it-tshè
毋通佮人来冤家
m̄-thang kah lâng lâi uan-ke
做一个做一个
tsuè tsi̍t-ê tsuè tsi̍t-ê
五尺以上的少年家
gōo-tshioh í-siōng ê siàu-liân-ke
↓↓---(口白)---↓↓
俗语伫咧讲
sio̍k-gú tī-leh kóng
少年毋拍拼
siàu-liân m̄ phah-piànn
食老是欲创啥
tsia̍h-lāu sī beh tshòng siánn
↑↑---(口白)---↑↑
有决心的人
ū kuat-sim ê lâng
毋惊一切的困难
m̄-kiann it-tshè ê khùn-lân
无论是做工
bô-lūn sī tsuè-kang
心情也轻松
sim-tsîng iā khin-sang
斗阵是有缘
tàu-tīn sī ū-iân
互相疼痛
hōo-siong thiànn-thàng
毋通来轻视别人
m̄-thang lâi khin-sī pa̍t-lâng
当做家己是𠢕人
tòng-tsuè ka-kī sī gâu-lâng
彼款人
hit khuán lâng
做事会予人真怨叹
tsuè-sū ē hōo-lâng tsin uàn-thàn
无彩工
bô-tshái-kang
↓↓---(口白)---↓↓
著啦
tio̍h--lah
人情义理
jîn-tsîng gī-lí
才是世间人的本钱啦
tsiah-sī sè-kan-lâng ê pún-tsînn--lah
赶紧向前来去
kuánn-kín hiòng-tsiân lâi-khì
↑↑---(口白)---↑↑
有情有义
ū-tsîng ū-gī
是世间人的本钱
sī sè-kan-lâng ê pún-tsînn
做你去天边海角也安慰
tsuè lí khì thinn-pinn hái kak iā an-uì
请你免挂意
tshiánn lí bián khuà-ì
提出志气
the̍h tshut tsì-khì
为前途拍拼要紧
uī tsiân-tôo phah-piànn iàu-kín
佮人𨑨迌无了时
kah lâng thit-thô bô-liáu-sî
光明日
kong-bîng ji̍t
等待你赶紧向前去
tán-thāi lí kuánn-kín hiòng-tsiân khì
向前去
hiòng-tsiân khì